About Us

Pata Book Pakistani online sellers ke liye bana hai — woh log jo WhatsApp, Instagram aur Facebook par order lete hain aur roz courier ke liye address hath se likhte hain.

Hum ne ye kyun banaya

Hum khud online business chalate hain. Har roz wahi kaam: WhatsApp mein upar neeche scroll karke address dhundhna, courier slip par hath se likhna, aur kabhi ek digit ghalat ho jaye to parcel wapas. Jo software maujood tha woh ya to bohat mehenga tha, ya computer par 4-5 screens ke baad sticker nikalta tha.

Is liye hum ne ek seedha sa tool banaya: customer save karo, COD likho, Print dabao. Bas.

Hamara wada

SimpleJo dukandar computer zyada nahi chalata, woh bhi 5 minute mein seekh le.

SastaPakistani seller ki jeb ke hisaab se price, Rs mein.

Aapka data aapkaKoi doosra aapke customers nahi dekh sakta. Jab chahein Excel mein le jayein.

Local supportWhatsApp par Urdu / Roman Urdu mein madad.

Kaun use kar sakta hai

Boutiques, clothing brands, cosmetics sellers, home-based businesses, mobile accessories shops — koi bhi jo courier se parcel bhejta hai. TCS, Leopards, M&P, Trax, PostEx — sticker kisi bhi courier ke parcel par lag jata hai.

Khud try karein

7 din free. Card ki zaroorat nahi.

Free Trial Shuru Karo Hum se baat karein